O día de onte foi un día histórico para a nosa cidade,
onte Ourense converteuse nun bastión da defensa dos dereitos e servizos máis básicos
da nosa sociedade e particularmente dos mais vulnerables, os nosos enfermos.
Onte as prazas de Galicia en xeral enchéronse de dignidade e loita, sendo
posiblemente Ourense un dos exemplos máis significativos.
Os orzamentos da Xunta de Galicia, ano tras ano son máis
pírricos para a sanidade e reducen a calidade dos servizos. En particular, o
ultimo ataque prodúcese no CHUO por parte do SERGAS onde se reducen de 41 a
31 camas por sección, isto supón que é posible que o CHUO en picos de
actividade non consiga absorber toda a demanda da poboación, principalmente,
unha poboación como a de Ourense que é especialmente envellecida. En conclusión
isto vai provocar unha sobrecarga do servizo de urxencias e un empeoramento
xeralizado de todo o servizo.
Moitas veces temos a sensación de que un trato ineficiente
dos servizos públicos son a causa dos propios traballadores, pero a realidade
dase de bruces contra esa ficción, cando son precisamente os traballadores
os que non teñen recursos suficientes para dar un servizo de
calidade.
Este por tanto, é o pozo negro o que nos condenan os
nosos políticos e a onde se dirixe a nosa cidade. O día de onte puxo un punto a
parte, xa que coa mobilización nas rúas e esixindo respecto, e o camiño
para non perder os nosos dereitos.
No hay comentarios:
Publicar un comentario